雖然毛毛豬未試過做演員，但就算未做過演員都知做演員其實係好辛苦㗎啦！導演一句劇情需要，啲演員就要上刀山、落油鑊......就好似胡杏兒咁，明明身材fit到漏㗎嘛，但為咗做肥田呢個角色，就增肥增到自己成個波咁，真係大犧牲！

不過張家輝咪又咁，為咗拍套《激戰》啫，操到自己成個筋肉人咁......

而家就連國際巨星Chris Hemsworth都話要為新戲《巨鯨傳奇：怒海中心》減磅？嘩......真係瘦到成條柴咁，毛毛豬差少少就唔認得佢喇......

聽講佢要連續節食3、4個星期，仲要每日淨係可以吞500卡路里落肚，先減到15磅咋陰公！唉，明明拍《雷神》嗰陣係咁樣樣㗎嘛！

雖然毛毛豬都好欣賞佢為藝術而犧牲嘅精神，但我都係鍾意佢啲肌肉多啲，可唔可以畀返個大大隻嘅雷神我呀？嗚呀！！！

封面圖片來源：Chris Hemsworth、thefashionisto

資料來源：中時電子報、時光網、Chris Hemsworth、thefashionisto