輸Gun終於都有今日喇！唔好誤會，我係話佢嚟緊有大把時間進修，可以抖下呀，真係辛苦晒。而一班唔捨得佢嘅網民，為咗答謝佢多年嚟嘅服務，今晚8點喺佢辦事處門口搞咗個歡送會！

不過早喺6點幾就已經有慈母忍唔住提早霸位，唔通佢哋都想join埋一份？

等咗咁耐，個歡送會終於開始啦。一班網民為咗祝佢前程似錦、輸開有條路，實行帶埋小號、禮炮，一齊熱烈地彈琴熱烈地唱小鳳姐嘅名曲《喜氣洋洋》！毛毛聽到好滾動呀！

聽講佢哋仲點埋香、開埋香檳、剝埋花生，睇嚟班網民真係好唔捨得輸Gun喎。

唉，最衰毛毛要OT啦，如果唔係，我都會去送佢一程！

封面圖片來源：全港市民熱烈慶祝treegun落選委員會
資料來源：全港市民熱烈慶祝treegun落選委員會, 柴灣人柴灣事