香港有好多街頭小食都好正，好似雞蛋仔呀格仔餅呀咁，毛毛就最鍾意呢啲大件夾抵食嘅嘢食㗎喇～而有日本網民都喺twitter教人點樣整格仔餅，聽講呢款格仔餅仲係全球首創、獨一無二㗎?！

Er......可能毛毛冇咩廚藝天份啦，我就睇唔出有咩特別喇，咪又係普通格仔餅一件，望落仲好似同毛毛一樣咁dry?......不過當毛毛睇埋件格仔餅未整好之前個樣，我就想寫個「服」字畀佢喇！

佢竟然將個菜肉包放落個格仔餅機度，變咗做格仔包呀！嗚哇，菜肉包味嘅格仔餅......毛毛真係聽都未聽過，睇嚟下次同班姨媽姑姐飲茶食淨嘅包可以有着落嚕～

封面圖片及資料來源：FutagawaKasara／twitter