今日凍咗咁多，毛毛身為一個廢青已經要著大褸保暖喇。而外國就有班超有心嘅媽媽同小朋友，齊齊幫啲街燈著外套呀！

冇啦啦同佢哋著衫搞乜鬼？其實啲衫唔係真係用嚟幫啲街燈保溫，而係想畀一啲有需要嘅人，當佢哋覺得喺街度覺得凍嘅時候就可以拎嚟著。佢哋喺社區收集啲人唔要嘅外套，再喺每件衫上面加個寫住「我唔係蕩失路呀！如果你喺街度覺得凍，歡迎著住我嚟保暖！」牌仔。

成件事真係超有愛，睇到毛毛巧滾動呀！其實香港都有類似嘅活動㗎：

呢啲咁打耳嘅七彩冷織樹呀屋仔呀菇呀，其實係一個手作達人一針一針咁織出嚟，為嘅就係想令香港變得更加美好。

係囉，其實簡單嘅一個舉動，就已經可以令到個世界變得更好㗎喇。毛毛一到冬天（特別係臨近聖誕節），都會覺得空虛寂寞凍㗎，如果有人都可以些牙啲溫暖畀我，咁就好喇……

封面圖片來源：Tara Smith-Atkins

資料來源：Tara Smith-Atkins、蘋果日報

回帶：【好得耳】邊個幫欄杆著冷衫？