其實毛毛對名牌呢家嘢都有少少心得，我最鍾意着U記同笨?奴呢啲牌子㗎喇，勝在夠平呀嘛～咩啫，而家平就唔係牌子呀？嗯，只不過冇妹豬識欣賞毛毛嘅着衫品味啫......而最近網上就有個妹豬話自己男朋友成身名牌，巧有生活品味～可惜原來全部都係假嘢嚟㗎，佢仲話男朋友係騙徒?！

喂，你當馬雲死㗎？講咗幾多次，淘寶從來冇假嘢！係咪要毛毛罰你抄七七四十九次你先記得呀？

不過你個男朋友又係唔抵幫嘅，做咩唔件件嘢都貼張label，講明邊件係淘寶啫！

between，你自己都記得淘完寶要貼label喇，如果唔係陣間畀你男朋友話返你係騙徒轉頭就唔好啦～

封面圖片來源：Janjani／香港討論區

資料來源：Janjani／香港討論區、Sina premium