毛毛正式宣布，日本已經屈服咗喺強國嘅經濟硬實力之下喇！班日本商人集體轉用土豪金包裝，講到明服務強國客呀！

據班認真做調查嘅日本人講，只要強調產品係日本製、包裝夠閃，就可以吸引到班強國客買。小林藥業就推出咗土豪金包裝嘅退熱貼！單係上半年就已經賺咗五億yen，證明咗日本無咗強國客係唔得㗎！

除咗退熱貼之外，好多日本嘢都轉咗用咗金色包裝，實行盡力報答強國呢個大恩人！有又金又紅嘅感冒藥同胃藥啦～

金到識反光嘅立體口罩～

仲有先人一步，一出世就係金色嘅防曬產品，今年年頭賣到斷晒市！

同埋下個月就有得賣，肯肯定會畀人搶到癲嘅金箔KitKat！

咩嘢都可以係土豪金，話唔定下次出金色尿片?呀！

封面圖片來源：yahoo! japan
資料來源：yahoo! japan, infoseek, Print&Promotion, Fullcomi