唔好呀！唔好呀！毛毛買咗機票去探你㗎！東京你唔可以有事㗎！一層層白浪捲埋咗成個東京池袋！睇真啲先，好彩好彩，雲嚟咋！

連啲高樓大廈都畀雲遮住咗，住喺極高層嘅人就好似住喺天空之城咁，堅浪漫呀！呢片雲海仲擴散埋去新宿?！

點解會有咁嘅現象嘅？是咁的，啱啱落完雨、然後氣溫急降、但濕度依然好高，滿足晒呢三個條件先會發生呢個奇景㗎！

雖然日本嗰邊就靚到爆又冇危險，但噚晚嘅城門河就真水浸喇！水位升到上單車徑，搞到通街都濕晒，今朝要清理嘅咁多位，辛苦晒你哋喇！

封面圖片來源：yusuke02040204/twitter
資料來源：excite, 沙田區 Sha Tin District