2015年11月27日 星期五
【真男人】香港人打機打到拎世界第一呀！
啪啪啪！又有香港人為港爭光喇！今次係打機打到拎世界第一，巧叻叻呀！
呢隻手機game無論喺日本定香港都有好多人玩，最近仲搞咗個叫做武刀神杯嘅比賽，已經係第五屆㗎喇！毛毛雖然冇玩過，但係聽啲fd子講個比賽係世界性，有好多高手都會參加。而香港人ben ben就憑住神技嬴出比賽，做咗世界第一！
佢之後就喺facebook發表感想，話今次比賽都係一半靠實力一半靠運氣，同埋多得神一樣嘅隊友幫佢轉珠佢先嬴到咋！做咗世界第一都唔驕傲，毛毛欣賞你！不過打機世界第一咁又點吖，連運動都畀我哋嘅689話冇經濟貢獻嘅時候，打機都係冇出息㗎喇！大家都係努力讀書入大學打工供樓直至永遠啦，阿們。
封面圖片來源：pad.gungho/Ben Cheng
