2015年11月27日 星期五
【皇恩浩蕩】西鐵7卡變8卡呀！
住屯門、元朗嘅人真係慘慘豬，每朝都要喺迫西鐵同迫巴士之間掙扎......不過而家有個好消息喇，港鐵話會幫西鐵增加一卡車咁多，即係由7卡變8卡呀！真係多謝晒！
嗚呀，以後搭西鐵一定無咁迫（好似係）！不過你哋都唔好開心得太早，因為港鐵話要循序漸進、逐個月咁加喎，要幫晒28架列車加多一卡，咁咪成要28個月囉？想唔使朝朝迫到喊？可能係後年嘅事囉。
溫提：其實唔係個個屯門元朗人都住喺所謂嘅西鐵沿線，好多屯門元朗人都話要要搭幾個站輕鐵先駁到西鐵㗎～咁麻煩，不如都係搭巴士啦！但屯門公路三日一小塞、五日一大塞，點揀就你諗你喇......
