小學生因為要操TSA而冇時間休息，搞到班家長不知幾心痛，所以就喺facebook又開群組又轉icon咁，希望多啲人正視佢哋「取消小三TSA」嘅要求。

盡心為市民服務嘅禮義廉，梗係唔會放過呢個機會，走出嚟大聲話自己幾關心啲小朋友啦！噚日禮義廉facebook就出咗張圖，話要求正苦檢討TSA，仲順個靚便插埋泛民否決佢哋叫停過度操練學生嘅議案。

留意返呀，原議案係「要求盡快取消小三TSA及檢討小六中三TSA」，好多禮義廉，好似葛博士、輸根、蔣元秋咁，都投反對票㗎。不過佢自己個facebook唔講咋嘛。

明明班家長係要求取消，唔係淨係檢討，禮義廉都仲好意思出post，抵你畀人瘋狂留comment鬧爆嘅。「DAB同TSA三個字一樣，難聽過粗口」，55，毛毛不能同意更多。

封面圖片來源：民建聯 DAB

資料來源：民建聯 DAB、立法會投票結果