你有冇諗過如果自己與世隔絕一年之後，會唔會有好多嘢跟唔上呢？一年可能仲handle到，咁如果係44年呢？美國有個男人，Otis Johnson，後生嗰時因為企圖謀殺警員而被判監，出返嚟之後，發現個世界唔同晒。有誰想到，眼前69歲嘅Johnson，44年前，只係個25歲嘅後生仔呢？

Johnson話喺Time Square 見到好多人自己同自己傾計，開頭見到啲人戴住耳筒，仲以為佢哋係CIA特務。好耐冇接觸過新科技嘅佢，仲講極都講唔出耳仔連住嗰條線叫「耳筒」。

令Johnson覺得amazing嘅係，好多人都一邊行一邊用電話，完全唔使睇路。估唔到我哋習以為常嘅生活習慣，喺其他人眼中係咁新奇。

除咗科技產品，行超市都令Johnson處處有驚喜。佢話超市有超多選擇、又有唔同顏色嘅嘢飲，搞到佢唔知點揀。44年冇行過超市，單係加咗果醬嘅花生醬，已經令佢覺得好古怪。佢見到60年代隻花生醬牌子，仲好似見返個老朋友咁?。

睇咗咁耐，最令毛毛感動嘅係呢句。自由，的確可貴。

封面圖片、資料來源：Al Jazeera English/youtube