咦喂今日跑馬喎！同馬仔唔係好熟嘅毛毛本身都唔知今日有馬跑㗎，因為今日搭嗰架的士有馬仔睇所以知道呀～～

毛毛以為司機大佬一眼睇十幾部手機睇實啲生意已經好積極，非常值得學習，點知今日仲見到司機大佬一路揸車一路緊貼另一份副業呀！不如你唔爭在開埋部股票機啦。


毛毛一路睇住司機嘅視線，隱若感受到司機捉緊希望嗰份熱情同激動，爭在未開口叫上呀上呀咁嘅啫。雖然毛毛冇買，但係坐喺呢架氣氛咁刺激嘅的士上面都緊要到心仔卜卜跳。

司機，得喇，係，前面落車，唔該。