早幾日陳淨心成功爭取盧凱彤被踼出南方草莓音樂節，佢跟手食住個勢，post埋B餐Kay舊年雨傘革命期間喺金鐘出現嘅相，話要「堅決抵制一切佔中藝人歌手到內地賺人民幣」。鬧完Ellen BB又鬧B餐Kay，你唔好以為自己個樣似萬綺雯就大晒喎！

B餐本嚟噚日要去廣洲出show嘅，不過佢個官方國際歌迷會微博就出咗個post話佢聲帶受傷要好好休息，所以去唔到表演呀！

強國網民個個都一口咬定B餐係因為佔中所以「被退出」表演，一個二個瘋狂留comment鬧佢！睇到毛毛眼火都爆埋，好戥B餐心痛呀陰公豬！

不過呢，睇睇下啲commentsss，最陰公嘅，原來係強國網民，連想上個香港網都要翻牆。唉。

封面圖片來源：羅生門MV、TVB截圖 

資料來源：陳淨心微博、謝安琪官方國際歌迷會微博