老老竇竇，係人都知啲所謂嘅環保袋其實係唔環保㗎啦（強調係不織布嗰隻），但係買嘢又冇理由唔用袋喎，咁好唔方便㗎嘛......而英國就有個阿伯示範咗咩叫真．環保畀大家知，佢竟然將一個超市膠袋用咗足足34年咁耐呀！！！

嘩！一個膠袋竟然可以用到34年，仲大年紀過毛毛啵......而且伯伯保守估計，個袋已經用咗超過2000次，唔係呀化，用成2000幾次都冇穿冇爛，襟用到咁？！喂，咁嘅話毛毛都想入返啲貨喎，而家仲有冇得買呀？

btw，環保呢家嘢就梗係人人有份，永不落空啦！之前台灣有個環保小先鋒都示範點樣膠袋當衫着，睇下～剪兩個窿就着得，既方便，又快捷！

溫提：呢種環保方法唔係人人carry到，如果毛毛着嘅話，可能就會變咗咁......

封面圖片來源：每日鏡報

資料來源：每日鏡報、東森新聞雲