有時毛毛搭巴士嘅時候，都見到有人帶住隻導盲犬上車，啲導盲犬巧叻叻㗎，雖然佢哋身上面冇自動導航系統，但佢哋都識得帶啲失明人士避開障礙物～而有網民就話佢帶導盲犬上巴士嗰陣，個司機竟然話狗唔可以上車？

係，一般嘅狗係唔上得車，但人哋咪話咗呢隻係導盲犬囉，導盲犬係可以上車㗎！三歲細路仔都知啦！唉，睇到Nana個樣就覺得好慘慘豬喇......就算要趕呀，都趕晒啲喺巴士剪指甲同大聲講電話嘅hihi落車先啦，幾時輪到Nana呀？毛毛都忍唔住要問一句，你係咪鄭智㗎？

毛毛喺度想畀個溫馨提示大家：雖然啲導盲犬sss好大隻，但佢哋搭巴士嗰陣會乖乖地收埋喺櫈底，不過都因為佢哋實在太乖喇，所以就算你唔小心整親佢哋，佢哋都會忍住痛唔出聲，所以......下次見到導盲犬小心唔好踩到佢哋呀唔該！小心唔好踩到佢哋呀唔該！小心唔好踩到佢哋呀唔該！（因為很重要，所以要說三次！）

封面圖片及資料來源：GuideDog Nana