綠色和平最近就抽驗咗香港5個儲水量最高嘅水塘，點知結果發現全部樣本都含有有害物質全氟化合物PFCs？今次真係唔方唔延年益壽嚕！

聽講PFCs係一種危害性高嘅人造化學物嚟，人體吸收之後仲會影響肝同腎嘅功能?......嗚呀！毛毛個腎都未發揮晒佢應有嘅功能，點可以畀佢受傷害㗎！

而綠色和平仲發現，有儲東江水嘅水塘比起淨係儲雨水嘅水塘含有更多PFCs?！唔L係呀？咁咪即係話東江水可能就係PFCs嘅來源之一？

冇可能嘅，冇可能嘅......香港人畀咗咁多錢買東江水，偉大嘅祖國又點會賣啲有害嘅水畀我哋喎！肯肯定係個化驗結果出咗唔知咩問題啫～同埋呀，你哋未聽過咩叫「以毒攻毒」咩？話唔定遲啲吳亮星又會走出嚟話PFCs都可以延年益壽呢～

封面圖片來源：香港經濟日報

資料來源：香港經濟日報、Greenpeace 綠色和平 - 香港網站、detox-outdoor