送親香港手信畀人，唔係老婆餅就係蛋卷，咩新意都無！呢個強國大媽就唔同呢，佢喺飛嚟香港嗰陣，發現咗飛機上面最有代表性嘅手信，即係救生衣呀！

是咁的，有個大媽去完台灣之後嚟香港轉機返強國，一場嚟到就梗係拎返件救生衣嚟留念啦～點知過關個陣就畀人發現咗，然後仲報埋警上埋法庭?！佢話佢只係一時好奇、冇心犯案喎，佢個代表律師仲話航空公司都有責任檢查?！

不過最後都係畀人判咗要罰款，係嘅，有邊個會同佢一樣咁有創意，諗到救生衣都偷得喎......大媽今次嚟轉機就話發掘咗救生衣都可以當手信啫，下次搭港鐵會唔會睇中埋個三角扶手㗎？

封面圖片來源：環球網
資料來源：蘋果日報