好似話大台11月30號晚開始播新劇《實習天使》喎（利申：冇追），做男主腳嘅洪永城，就喺佢個「地球」（佢facebook名……）大力宣傳谷收視啦，點知造就咗個傑出關公災難出嚟。

套劇係講一班實習護士嘅（九成都係大台時裝劇必備原素：職業+談情），洪永城就想喺facebook同大家講白衣天使對傷病者有幾重要，但佢劈頭第一句：「護士，喺社會上嘅地位不高」，已經撻著一班護士。

唔少醫療人員facebook page都些牙咗洪永城個status，話佢唔尊重護士，仲話大台製作is is but but，用醫院、醫護做題材寫閙劇呀。

職業無分貴賤，更何況護士細心照顧傷病者，都不知幾多人好返之後會寫thank you card畀佢哋呀！毛毛以為得啲睇錢份上嘅港女先會話咩護士只係值5分，原來走過烽火大地去過咁多地方見識嘅人都會……

唔知洪永城覺得大台藝員社會地位高啲，定係護士呢？

封面圖片來源：洪永城Tony的地球

資料來源：洪永城Tony的地球、香港醫療人員分享平台、急症室日務、公立醫院囧事多、笑到肚痛實習天使
延伸閱讀：【男女都啱睇】男人職業值幾多分？