樹根雖然輸咗區議會選舉變咗輸根，但佢一啲都冇放棄自己，呢幾日除咗update自已個專頁，轉下頭像之外：

最近仲接受咗網媒訪問?！佢仲好大方咁承認自己輸嘅原因係因為「唔夠圓滑、個人太直同唔夠奸」呀！

咦咪住先，唔夠圓同個人太直意思唔係差唔多咋咩……唉，你識條鐵咩！博士話係咩就係咩啦！之不過佢話自己輸係因為唔夠奸，咁係咪即係當選嘅人就係夠奸呀？咁唔怪知得鼠王會當選啦，原來唔關視力事亦都唔關智力事，係因為夠奸呀（好似係）！下次如果輸咗都唔使用「佔中問題」呢個用到爛嘅理由喇，學treegun話齋，講句「我唔識去奸！」咪搞掂囉！

佢仲話自己關咗個facebook acc係做錯喎：

明㗎喇明㗎喇，總之就唔關你事啦係咪呀樹根？

佢仲話班廢青喺佢輸咗之後去佢個辦事處慶祝令到佢好唔開心，覺得好悔辱……吖唔係！係侮辱先啱！人哋而家好叻叻讀啱晒啲字㗎喇，唔準再笑人呀！

嗱毛毛而家喺度作出嚴正呼籲，如果treegun出年真係輸埋個立法會選舉，你哋班廢青記住千祈千祈千祈千祈千祈千祈千祈唔好去佢個辦事處度慶祝喇，自己約埋幾個fd子，偷偷慶祝下就算喇知嘛。

封面圖片來源：堅料網

資料來源：堅料網、全港市民熱烈慶祝treegun落選委員會   、鍾樹根facebook