時不時都會喺啲谷度見到有網民瘋傳啲陌生人inbox人問幾錢呀、想約你出嚟飲嘢傾計膠流嘅cap圖，其實咁樣問人幾錢，都算係性騷擾㗎。最近平機會就出咗條短片，教大家不幸遇到性騷擾嘅話，千祈唔可以啞忍！

喺宣傳短片入面，有5個case，但有4個嘅受害者都係女性嚟㗎，仲暗示男性係加害者?！

而嗰唯一一個男性受害者呢，就係收到性騷擾電郵，但淨係見到佢望住個mon O晒咀，唔講仲以為佢發現This咩V今日休息先咁驚訝囉。

班網民都係醒目仔嚟嘅，大家睇完條片，都好熱心咁留言提醒平機會唔好帶頭歧視男性。

其實男女都有機會受到性騷擾，無論係男畀男，男畀女，女畀女，女畀男，或者係跨性別人士，一旦受到性騷擾，都要企出嚟舉報，唔好啞忍呀！

封面圖片、資料來源：政府新聞網