舊年秋天，發生咗我哋呢一代人應該一世都唔會忘記嘅雨傘革命，當時個個都話佔中搞到香港要死喇，經濟要死喇咁。

海洋公園冇生意，梗係因為班黃屍廢青搞到啲同胞唔敢去金鐘轉巴士入公園啦！

毛毛相信大家樂業績差嘅主因，係班廢青瞓街嘅時候淨係去食上校炸雞，冇去幫襯大家樂！

仲有20年嚟罕見嘅持槍劫案，強國傳媒就話係因為班黃屍搞到啲大賊膽生毛走出嚟打劫！

仲有文藝中年屈婦人，都話過佔中係「潘朵拉盒子」，引發咗好多潛藏嘅人性罪惡感，同「引咗好多精神有病嘅人出嚟」呀（呀，唔知點解喺佢把口講特別有說服力嘅）！

一個二個都話雨傘革命影響深遠，但係官到無求膽自大嘅奶媽就有獨立思考，唔會人講乜佢講乜囉。今日佢出席論壇嘅時候，話佔中對香港影響輕微呀！屈婦人，你唔好再亂嗡喇！

之但係，689之前又話過佔中會影響經濟運作同市民生活喎……奶媽你咁講，怕唔怕方丈下次又欽點你做清潔大隊長呀？

封面圖片來源：商業電台

資料來源：蘋果日報