啲貓貓最鐘意送老鼠嚟等人讚佢叻叻，但冇咩乜人識欣賞之外，仲成日嚇到啲養貓嘅妹豬花容失色～不過台灣有隻貓媽媽就好清楚人類要啲乜，每日都送紙巾畀佢嘅大恩人呀！

前排喺台灣屏東一條巷度，嚟咗隻大咗肚嘅貓媽媽，附近舖頭啲人見佢粗身大細就無趕佢走，等佢安安樂樂咁生咗4隻貓B～後嚟啲貓貓走咗無耐，就日日有來歷不明嘅紙巾出現。最後畀人影到相，原來真係貓媽媽送過嚟㗎！

而且貓媽媽好可能教埋啲貓B一齊叼紙巾，每日都有成10包紙巾，已經多到儲滿咗一個垃圾膠袋Lu！

雖然貓媽媽好貼心，識得送紙巾咁實用，但始終唔知啲紙巾喺邊度嚟，而且送親嘅都係同一款，仲有啲係開咗用過嘅?！都唔知係邊個慘慘豬畀貓貓偷紙巾！

其實學下呢隻狗咁，喺浸親畀人救返之後直接錫下恩人咪得囉！唔使偷幾十包紙巾咁大陣仗嘅！

封面圖片來源：爆料公社
資料來源：爆料公社, 東森新聞網, Daily Mail