香港人設計停車場真係有特別嘅方法，呢啲咁刁鑽嘅車位都畀你諗得出，你玩晒啦！

有網民喺元朗一個商場度影到呢個世界級有障礙泊車位，毛毛9估原本呢個車位應該係想畀啲有需要嘅人好似傷殘人士同大肚婆使用，但係又冇啦啦整碌柱喺度……唔通係藝術裝置嚟？我知喇！呢個車位其實係用嚟泊輪椅同BB車嘅，你睇下地下啲公仔都有講啦，泊入去size咪啱啱好囉！肯肯定唔係用嚟泊私家車啫！

其實香港土地問題咁嚴重，個有障礙泊車位都算大㗎喇，你睇下呢六格超迷你疑似電單車車位吖，肥過架電單車少少都唔敢泊入去呀真係。啲車位再咁演變落去，睇怕遲啲要泊呢種車先得喇：

不過老老竇竇，毛毛連買架呢啲車嘅錢，都冇呀……

封面圖片來源：Cyril Wong‎/小心駕駛(討論別人駕駛態度)

資料來源：小心駕駛(討論別人駕駛態度)、香港地笑話

回帶：世界級刁鑽迷你電單車位