2015年12月03日 星期四
【潮流嘅嘢...】剪頭髮啫 唔使用火呀？
每次毛毛去剪頭毛嘅時候都會遇到一個問題，就係我明明同咗個髮型師講剪少少就夠，但佢好似驚死我會蝕底咁，一剪再剪......唉，剪到咁短好7㗎嘛（雖然我知我7係唔關髮型事）！不過我又係衰嘅，做咩要剪剪下瞓着啫，睇住佢剪咪冇事囉！如果毛毛係幫襯呢個外國髮型師嘅話，咪唔驚瞓着囉......因為佢唔係用鉸剪剪，佢係用火呀！！！
佢先用火燒着客人啲頭髮，跟住燒到咁上下再整熄啲火......嗚呀！經佢手剪嘅髮型真係好hot好惹火呀！唔止咁呀，原來佢仲研究埋用日本武士刀嚟片頭髮㗎～
呢啲咪叫有層次囉，潮流嘅嘢你哋識條鐵咩！
Cutting Hair with SwordsDitch the scissors and get your hair cut with swords by the real-life Edward Scissorhands.
Posted by AJ+ on 2015年12月2日
不過其實越南都一早有呢個「武士刀片頭髮」嘅技術啦，仲功架十足?～
btw，你創新還創新，睇L住好喎，陣間你唔小心片埋毛毛個頭出嚟咁點算呀！
封面圖片來源：AJ+
