2015年12月03日 星期四
【爭住嚟7】強國學生：有本事就去改維基啲嘢囉！
呢排香港啲大學嘅民主牆都一片腥風血雨，香港學生貼一張，強國學生就撕返你兩張。先有城大：
之後又到理大：
好喇，你哋個個都鬧人唔夠人講就撕走張紙吖嘛？人哋已經進化咗喇！唔會撕走大字報之餘，仲喺上面寫繁體字回應?呀！天呀！佢哋竟然講道理，是咪世界末日喇？
話說理大民主牆之前有人貼咗張Hong Kong is not China嘅大字報，呢個愛國學生睇唔過眼，就print咗個維基百科出嚟，話維基證明咗香港係中國一部份。有愛國心係好事，只不過呢個強國學生非常有可疑囉，點會自己講話簡體字係殘體字㗎？仲叫我哋有本事就去改維基啲嘢，真係好天真好可愛呀！係人都知維基百科，只要你有個維基acc，就可以上去改嘢㗎啦！
做咩啫而家唔畀人7㗎咩！其實佢哋都好慘㗎，強國block咗維基百科上唔到，先會搞錯咗啫。唔緊要嘅，下次寫嘅時候百度下先，咪得囉！
封面圖片來源：香港人secrets
