噚日新亞學生會一張關於套套供應緊張嘅通告喺網上瘋傳，毛毛真係好葡萄新亞嘅同學仔呀，有咁貼心嘅服務～

但係唔少道德偉見到都眼火爆，話而家啲大學生真不該呀淨係識做愛做的事唔讀書呀乜乜物物呀，講到好似喺大學咩嘢要燒袋袋咁。毛毛見到張通告都一樣好嬲豬，嬲點解自己以前唔畀心機讀書入大學呀！

新亞學生會就喺facebook出咗篇文，解釋點解佢哋要喺大學免費派套套畀同學仔，毛毛覺得佢哋寫得好好，深入淺出，唔止好有親切感，仲講出咗一條大道理，所以誠意推薦畀要用或者冇機會用套套嘅各位睇下。唔好too long did’t read呀下。

《禮記》都有講啦，「飲食男女，人之大欲存焉」，其實大家都有性需要，點解唔坦然面對，硬係要覺得「只准偷偷打丁，不許公開談性」就可以成為道德偉人呢？更何況，大學生都已經係成年人喇，只要你情我願，來一場安全性行為，點解唔可以？

之不過，道德偉人就係有一套獨特嘅價值觀，毛毛好想同佢哋講……

封面圖片來源：CUHK Secrets、新亞學生會

資料來源：新亞學生會 NASU

回帶：【一句撻著毒L】套套供應緊張 敬請原諒