買一送一就聽得多，估唔到而家買麵包仲會送四腳蛇?！有網民喺超市買咗袋麵包，點知返到屋企嗰陣竟然發現......入面有條好大條嘅四腳爬爬呀！！！

媽呀，真係好核突！毛毛豬最驚就係四腳爬爬㗎喇！而呢個網民當然都嚇到個心離一離啦，佢仲話佢已經交咗畀食環署跟進?......唉，做咩要投訴人哋喎，四腳蛇明明係益蟲嚟，人哋都係驚袋麵包會有小強，所以先送埋條四條蛇比你啫！第二個網民食蟲蟲飯都未投訴啦～

不過以毛毛豬推測，人哋都係知你哋班毒L唔夠蛋白質，所以先加啲蟲蟲畀你哋啫......堂堂大男人，幾隻蟲蟲算得係啲咩吖！Er......不過就唔使預毛毛豬喇，多謝晒。

封面圖片來源：Ricky Ling‎／盡在元朗

資料來源：Ricky Ling‎／盡在元朗、Cyrus Yu‎／香港飲食好地方

回帶：【睇見都飽】蟲蟲定黑椒飯？