唔L係啩？人就話有孖生啫，連車牌都有孖生？

你睇，馬雲都佢巴打幾似樣呀！呀……搞錯咗少少，佢哋係似樣啫，唔係堅孖生。

相傳，世界上有一個同你一模一樣嘅人，如果你哋相遇，其中一個，就必須死…… 咁呢兩架車，唔知邊架會死先呢？呢對孖生7人車，車款又差唔多，連中港車牌都一模一樣，仲要泊埋喺隔籬，拎車嗰陣會唔會傻傻分不清㗎？

至於點解要整孖生車牌呢？唔通係慳牌費？不過係都整個唔同嘅啦…… 有人話係用嚟製造不在場証據，都有人話一架用嚟揸，一架就驗車用啵～

其實之前喺強國都試過有兩架孖生車咁啱違例泊車泊埋喺隔籬，民警想出牛肉乾嘅時候，就發現咗兩個車牌一樣嘅喂？咁咪畀人知其中一架係假車牌囉。唉，人類總是咁樣樣嘅，你要用假車牌，都留意下有冇泊咗喺真身隔籬呀嘛，若要人不知，唔好咁低B呀。

封面圖片來源：Bigicckk Chan‎/小心駕駛(討論別人駕駛態度)

資料來源：小心駕駛(討論別人駕駛態度)、明報

延伸閱讀：【今次仲唔發達？】成都看更同馬雲撞樣