眾所9知，淨心BB呢排好勤力發功，啱啱先搞完男神轉頭又嚟料，真不愧係愛國小先鋒！但正所謂相由心生，淨心BB人靚聲甜，又點會係衰人嚟呢？

直到淨心BB今次發表咗篇佔中偉論，毛毛終於知道原來佢一直用心良苦，我哋一直怪錯好人！等毛毛為大家拆解淨心BB點樣打著紅旗反紅旗啦！

第一步，先喺微博發功，將所有方丈唔想出現嘅字眼Post晒出嚟，好似係「佔中」、「港獨」呢啲字咁（聽講「有腦袋的人」都係唔可以喺強國出現的）：

第二步，淨心BB靜心等待，等微博河蟹。

第三步，大大聲抗議！反對心底話畀人河蟹！其實淨心大媽表面上成日批鬥啲企出嚟爭取自由嘅藝人，但係其實只係想話畀世界知就算講乜都會畀人河蟹，深入愛國陣營之後再嚟個大力抗議，原來真正身份係曲線維權份子嚟呀！

唔止呀，淨心BB明明係宣揚緊愛國，但畀官方河蟹之餘，強國嘅同胞都完全唔領情，仲勸返淨心BB唔好搞事。自己友都block自己友，真係完全唔夠包容囉！

淨心BB，毛毛真心支持你呀！既然真正身份已經揭開，畀啲勇氣親自上去同習大大抗議啦，就算以後見唔到你，毛毛都會永遠懷念你㗎！安心上路啦！

封面圖片來源：蘋果日報

資料來源：陳淨心微博