而家啲騙徒真係好過份囉！！毛毛真係忍唔住要爆喇！

之前強國出現過一個首先智問下target鍾意謝霆鋒定吳彥祖多啲先呃嘅騙徒專才，扮晒服務周到等你畀人呃都呃得條氣順啲咁。

而呢個專才，就將人名改做彭于晏同森美，呀唔係，小肥，呀唔係，Otto，呀唔係，王大陸至啱！但成個故仔都一模一樣囉，創意分係零呀，不過見你殘體變正體，原諒你一次啦。

而呢個騙徒呢，就堅係唔可以原諒喇！唔係因為佢性暗示星矢呀，係佢偷用醫院來電顯示呀！

話說有位網民收到來電顯示係伊利沙伯醫院（3506 8000）嘅電話，點知一聽，係老是常出現嘅順豐快遞。如果有人接到呢個電話，知道係騙徒，block咗佢，咁下次一個唔好彩真係醫院有啲咩事打嚟點算呀？！你都算陰毒喇！大家要小心啲先得呀！

封面圖片、資料來源：Ray Leung

延伸閱讀：【騙徒手法層出不窮】今次輪到扮吳彥祖