香港人真係好唔得閒，平時已經要應付啲假大肚婆呀（回帶：【強國呃錢集團】又會咁啱兩個大肚婆都要籌錢返鄉下？）、真電話騙徒呀咁，而家仲出現埋假雞蛋呀！

有網民喺元朗度買咗盒蛋返屋企食，點知食落完全冇蛋味，跟手打開隻新蛋，就發現個蛋黃完全督唔爛呀！

唔止佢㗎，有另一個元朗網民都買到假雞蛋，仲要生到成個彈彈波咁呀！

望落好似仲彈手過毛毛啲皮膚喎！唔知食落口彈唔彈牙呢？any肥，買到假蛋都已經慘㗎啦，最慘嘅係，其中一個網民諗住打去食環署投訴，點知畀食環署一句：「唔關我事」KO咗，仲要射波叫佢去搵海關處理?：

都啱嘅，啲蛋假嘅，都唔係真食物嚟，人哋食環署點同你處理喎（好似係）。等毛毛幫下你啦：

咦咦咦，睇嚟你哋都係咁啱買中咗同一隻來自強國嘅發燒雞所生嘅發燒蛋喎。嗱解決方法唔係冇嘅，煲煲水，水滾撻凍之後飲一啖，再扔晒啲蛋，就冇事㗎喇。

封面圖片來源：Shipian Chen

資料來源：Shipian Chen、盡在元朗

回帶：發燒雞蛋彈彈波