老老竇竇，你哋有幾耐冇入過圖書館？嗱，做project、借廁所嗰啲唔計，毛毛講緊真係入去睇書嗰隻呀！都知你哋淨係識睇面書㗎喇，好心你哋學下吳克儉啦，人哋一個月睇30本書㗎（佢話）！而有網民同局長一樣咁鍾意睇書，仲將自己嘅書開心些牙畀人，佢捐咗3000本書出嚟呀！

佢話佢將啲書捐畀收書機構，係希望佢哋拎去義賣，等啲書有人收留之餘，又可以做到善事～但個收書機構竟然將佢嗰3000本書全部拎去當廢紙咁賣？！

聽講人哋係覺得啲書意識不良，所以先當廢紙咁賣咗佢喎......喂，咩書咁意識不良呀？為咗滿足大家嘅求知慾，毛毛惟有搵呢個網友出嚟了解下啦～

哦～原來嗰啲書係小說同教科書嚟，意唔意識不良毛毛就唔知啦，不過其實啲書唔啱使咪退返畀人囉，但個收書機構竟然話：「你送得出嚟都唔會要返㗎啦」......

毛毛隔住個mon都感受到呢個網民對閱讀嘅喜愛！btw，唔好灰心呀你，總有機會將啲書畀到有心人嘅～再唔係你送幾本畀毛毛囉，毛毛一定唔會拎咗啲書去當廢紙賣嘅～