馬雲口口聲聲話淘寶冇假嘢，嗯嗯，可能啦，不過就肯肯定有激到你爆血管嘅寶貝囉。

話說讀者個FD子（其實話唔定係佢）喺淘寶買咗張Fellini 嘅《Amarcord》電影海報，點知一收到，係咁樣樣㗎！咦，心口嗰兩點白色係乜嚟㗎喂？

人哋張電影海報，隻雀雀係咁樣樣打出心口兩點㗎，係藝術呀，不知幾有美感。強行打格之後，你話似乜呀？

原本條淘寶link 張相，都係打咗格仔嘅騎兵嚟嘅，FD子以為係店主因為驚會畀淘寶bam，所以先遮一遮，點知寄到嚟嘅實物都係咁…… 而店主仲要完全唔覺得有問題，真係吹漲。

唉，張海報唔買都買咗囉，步兵變騎兵又點呀，唔通掉咗佢去咩。唯有自己加兩筆啦……

封面圖片來源：felliniana.com、Siu Jo

資料來源：淘寶