俗稱「網絡23條」嘅版權條例草案將會喺下星期三恢復二讀，若然通過咗，cap圖、直播打機、二次創作、唱改篇歌，統統都唔得！

創作人周博賢今日就喺facebook post咗首佢喺2012年作嘅作品。當時條例草案出台，周博賢就寫咗首叫 "Re-creation" 嘅 demo，不過後來重新諮詢，所以首歌就未完成嘅。而家就嚟二讀，佢就post出嚟畀班網民「填吓，甚至可以唱埋、錄埋、整埋 MV 都仲得。」

佢仲寫到明自己係「唔同意別人填上歌詞」，等大家率先體驗下版權條例嘅威力呀！唉，有得玩好玩喇，一個唔好彩真係通過咗，乜都唔使做㗎喇。

好多人都好關注網絡23條對我哋嘅影響，噚日係周庭BB生日，但佢都冇掛住開party食蛋糕㗎，反而喺facebook直播，用動漫cosplay做例子，同大家解釋網絡23條嘅禍害，條片到而家已經有10萬人睇過喇！

仲係唔明網絡23條係咩料？！嗱嗱聲睇下今集《六點半左右新聞報道》，聽下「鍵盤戰線」滑鼠娘娘點講啦！

封面圖片來源：蘋果日報、Adrian Chow

資料來源：Adrian Chow、周庭