毛毛可能受強國影響啦，以為達官貴人通常都周身名牌，唔係戴金錶就金鏈，有土豪金就揀土豪金。

但原來唔一定要著貴嘢先好睇㗎！就好似近期萌爆嘅英國小公主夏洛特BB，喺輯可愛相入面著嗰條碎花裙仔，其實一啲都唔貴，只係21英鎊 ，數數手指，即係大概246蚊港紙啦！

而呢條碎花裙仔係出自西班牙品牌「m&h」（嗱！唔係h&m呀，毛毛冇串錯㗎！）。

哎呀，公主BB真係巧得意，搞到毛毛都想生返個B女，買呢條裙仔畀佢著，不過......首先......唉......都係Loop下夏洛特BB啲萌相算喇！治癒到呢，要毛毛眼定定望住十個鐘唔做嘢都得呀！（如果腦細唔鬧嘅話⋯⋯）

不過講到著衫好睇嘅BB，毛毛心目中嘅no.1 一定係龍蝦BB，佢一身迷人red lady打扮，真係好有貴氣，好萌呀！

佢一定係好enjoy畀人話佢似龍蝦啫！唔係點會成日畀人笑都仲著到成身紅卜卜咁喎！

封面圖來源：每日郵報

資料來源：每日郵報、梁振英Facebook