眾所9知，「網絡23條」下星期三就會恢復二讀，如果通過咗嘅話，即係你同我都唔使指意改歌詞、改圖、cap圖、直播打機......唉，總之就乜嘢都唔得啦！所以「鍵盤戰線」都喺網上發起反對網絡23條聯署！

而噚日「鍵盤戰線」更加喺旺角行人專用區開咗個記招，表明反對「網絡23條」嘅立場，仲呼籲有得投票權嘅泛民議員拉布?～

不過地位超然嘅689今日會見傳媒嘅時候，就講到明拉布係於事無補，仲話創科局已經係一個最好嘅例子，拉布拉咗三年，最後都係要通過咁喎......

嘩，果然係地位超然，連講句嘢都巴閉啲～咁又係嘅，球證、旁證、足協、足總、足委全部都係你嘅人，我哋啲小小網民又點同你鬥啫！

封面圖片來源：政府新聞網
資料來源：反對網絡23條聯署、Keyboard Frontline 鍵盤戰線、政府新聞網