天氣愈嚟愈凍喇，我哋喺屋企捲住張被都凍到縮下縮下，更何況係冇屋企返嘅流浪動物呢。

最近有個讀緊中六嘅妹妹，喺地盤發現咗隻黑白色嘅流浪狗女，就幫佢改名做「熊貓」，仲開埋page些牙自己照顧熊貓嘅點滴同幫熊貓搵領養呀！

有中六妹妹嘅照顧，又有地盤哥哥叔叔幫手整狗屋仔同餵佢一日食三餐，熊貓身體已經好好多，仲肥咗大隻咗?！

啱啱瞓醒嘅熊貓個樣好懵豬，好打耳呀，毛毛都想摸下熊貓個頭仔呀！

原來愛心爆棚嘅呢個妹妹，細個試過差啲因為畀狗狗咬到喉嚨致死，搞到曾經好驚到狗，但係佢Daddy Mummy 帶佢去接觸多啲唔同嘅狗狗之後，就克服咗呢個恐懼，仲對狗狗有種情意結！妹妹講得好啱，「流浪並不是他們的錯」，希望世界上唔會再有動物畀人遺棄，冇屋企嘅貓貓狗狗都可以盡快搵到新主人。

封面圖片、資料來源： 一隻名為熊貓的流浪狗故事 (待領養)