2015年12月07日 星期一
【咁都畀你諗到】劏豬表演？劏咩豬先？
日本嘅漁市場，或者係一啲專門食魚生嘅日本餐廳，好多時都會有師傅喺度即場表演劏魚，話畀你知佢啲魚有幾咁新鮮：
但係而家唔使去到日本先有得睇喇！有網民發現喺大埔一個新開嘅街市入面，有舖頭話要表演開豬呀！
嘩，劏豬都可以當表演毛毛真係成世毛都未聽過呀！個店主肯肯定有啲獨特嘅開豬方法啫！唔知佢開咩豬呢？毛毛對於豬呢樣嘢都有啲研究嘅，等我陣間都買定花生去觀摩下先！btw，幾時到啲菜檔表演切菜呀、生果檔表演切生果呢下？
豬肉佬都要表演，睇嚟呢個職業又要再次改名，由「肉類分割技術員」變成「肉類分割技術表演演藝人員」喇。555555。
封面圖片來源：Taki Chu/Tai Po 大埔
