雖然之前發生咗港媽like and share商機無限事件，但設計師唔使食飯呢個觀念實在太深入民心喇（好似係），所以最近又發生咗商機無限2.0嘅事呀！唉，你哋畀阿寶抖下得唔得？

有設計師公開咗佢同個客戶嘅whatsapp，對方疑似都係開studio嘅，不過就唔識執相，所以就搵咗呢個設計師去執，又話要加啲設計效果又話要似專業影樓出品乜乜乜咁總之一交畀人做就多多要求咁啦。

點知佢開出嚟個價真係一句撻著晒全宇宙嘅設計師呀！畀三嚿水執廿張相，仲話要睇過啲相覺得值先會畀?！除返開，咪即係$15一張囉！嘩仲平過毛毛平時影啲證件相呀！

咦唔係喎，睇真啲，佢係話300嚿水一輯相，即係$30000呀！好彩啫，嚇到毛毛個心都離一離呀！我都唔信而家啲人會咁冇人性，畀幾嚿水就想做死人嘅！

親愛嘅客戶，其實直接上網開post叫PS大神幫你PS仲好啦！仲慳返嗰三嚿水?喎！

封面圖片及資料來源：Artist都要食飯