2015年12月07日 星期一
【提早同強國接軌】台灣馬路轉殘體字
嗱，香港啲小學雞早就喺度學寫殘體、用煲冬瓜，隨時準備好同強國接軌喇～但估唔到台灣咁快就開始追趕香港嘅步伐喎！
而且台灣追隨強國嘅決心仲勁過香港，一開波就喺馬路度用殘體喇！
整馬路嗰班人話「優」字太多筆劃，啲人揸緊車嘅時候會睇得唔清楚，所以先用殘體喎～嗯嗯，話唔定仲可以方便一啲優質遊客?～不過佢哋咁做實在太急進喇，台灣人上堂唔係用殘體㗎嘛，佢哋梗係話唔識睇㗎～搞到負責人承受唔到群眾壓力，冇幾耐就改返囉！
其實毛毛第一眼睇仲以為咁大個「伏」字呀，唔通想暗示殘體字係伏？
唉，台灣真係太傻太天真鳥，唔好以為用殘體就方便到某啲人兼會令到佢哋跟足指示啦！人哋去到香港都唔使掛香港車牌，又使乜跟規矩啫？
封面圖片來源：TVBS新聞
