9號就係「網絡23條」喺立法會二讀嘅日子，為咗以後有得繼續用cap圖、睇人直播打機，你哋簽咗鍵盤戰線嘅反對網絡23條聯署未呀？聽講而家已經有超過7萬人聯署咗喇！

不過咁又點吖，今日商務及經濟發展局局長蘇錦樑話呀，唔通過「網絡23條」，創作自由反而會更加少呀！

局長嘅思路真係快到跟唔上，毛毛其實都唔係好知佢up乜7。我剩係知，而家嘅修訂案就豁免咗「戲仿」、「報導與評論時事」、「諷刺」、「模仿」、「滑稽」同「引用」用途，蘇局長咁講，唔通係想曲線話畀我哋知，今次唔通過，遲啲可能連呢啲豁免都冇埋，全部都要禁？嗚呀毛毛巧亂，巧京京呀！

自唔自由都算啦，毛毛最驚都係，萬一真係通過咗，可能會連份工都冇埋呀！到時真係冇自由，又冇埋飯碗喇嗚嗚……

封面圖片來源：RTHK

資料來源：RTHK、反對網絡23條聯署