網絡23條殺緊埋嚟喇，最快今個星期三就會畀人通過，但係民主黨議員就話唔拉布呀！數一數人頭目前形勢都幾危險，就算民主派投晒反對票都係過會通過，所以Gphone都忍唔住呼籲佢哋再落力啲加入拉布，話齋投票係冇用㗎！

但係卿姐就話唔會拉布喎，激到班網民即刻起佢底，搵到佢哋喺幾年前拎過一堆美漫嚟做二次創作！仲印埋嚟做宣傳品大派特派，無錯，係又出版又分發呀！即係唔使網絡23條都可以畀人告侵犯版權㗎喇！

唔止呢啲宣傳品㗎，民主黨個舊logo同DC Comics個logo有9成9似?，都唔知咁仲算唔算二次創作，定係根本侵咗權喇！班網民話佢自己都做過二次創作，今次殺到埋身都仲懶懶閒，警告民主黨再唔拉布嘅話，唔使等23條通過，而家就告佢哋侵權呀！

毛毛唯有同啲議員講，今次自身難保都仲唔企前啲，小心以後企都無得企呀，下次啲文宣你用小畫家自己畫啦！

封面圖片來源：蘋果日報

資料來源：黃之鋒 facebook,蘋果日報,Hiu Tung Hau/facebook