2015年12月07日 星期一
【好索呀】衛蘭終於瘦過部電單車！
毛毛深信大家一定記得金句王曾經話過：「衛蘭仲肥過部電單車」，雖然全盛時期嘅衛蘭真係豐滿咗少少，但你都唔使咁樣樣講㗎，人哋女仔人家面皮冇毛毛咁厚㗎嘛，聽到呢啲說話真係hurt到入心入肺咯......不過唔緊要，因為衛蘭而家又瘦返喇！
睇佢眼仔大大、下巴仔尖尖咁，真係好靚好有氣質，毛毛都忍唔住要......望多兩眼呀！毛毛仲聽講佢係因為瘋狂做瑜珈同打拳，所以先可以成功減肥嘅～
其實喺2014年5月嘅時候，佢都試過成功瘦身㗎，只不過到咗2014年9月嗰陣，佢又開始肥返啫......
btw，希望佢可以keep住個健康身型啦，如果唔係陣間金句王再撻多句「肥過部貨車」埋嚟咁點算喎......
封面圖片來源：yomybeyond／Instagram
