毛毛都係想OT完放工食碗糖水啫，點解咁都要趕絕我呀嗚嗚？

之前米芝蓮推薦咗23間香港街頭小食店，呢間喺佐敦嘅糖水舖都榜上有名，點知事隔幾個月，呢間舖頭就畀業主瘋狂加租，由月租10萬加到去22萬，足足有120%呀！

嗱毛毛唔識數學都幫你計下，當啲客個個都幫襯買最貴嗰碗楊支甘露，加蛋加湯圓再加蕃薯喇，總數$40：

每個月都要淨賣五千幾碗先夠交租，真係喊出嚟呀！唔通喺香港地，真係容不下一碗糖水？

雖然店主已經喺附近搵咗個舖位，係啲客友情價讓畀佢嘅，但係個舖位就細咗好多嚕。

不過學啲炒家話齋，租金唔加成個社會就要返返去原始時代㗎喇！糖水？等你交得起租嘅時候咪可以食囉（好似係）。

封面圖片來源：Joe Chan/佳佳甜品

資料來源：都市日報、蘋果日報、佳佳甜品 

回帶：【炒家神羅直】唔加租就要返去原始時代？