當毛毛仲係細細個，好pure好true嗰陣都有試過寫信畀聖誕老人，話畀佢知今年想要啲咩聖誕禮物，等佢送畀我吖嘛！而外國有個小妹妹都寫咗封信畀聖誕老人，但佢竟然話唔要啲咩聖誕禮物，反而係話要一隻狗？

喺呢個小妹妹9個月大嘅時候，隻狗仔已經係呢個家嘅一份子。雖然隻狗仔睇唔到嘢，日日都要食藥，但佢哋兩個都玩得好開心，係最好嘅朋友。點知喺上個星期，隻狗仔竟然畀人偷咗，真係喊出嚟！小妹妹日日都好掛住、超掛住、勁掛住隻狗仔，佢見就嚟聖誕節，於是就寫咗封信希望聖誕老人可以帶佢返嚟：

「聖誕老人，我嘅聖誕願望係想要返我隻狗仔！我唔要咩聖誕禮物，我剩係想我隻狗仔可以返屋企！我好掛住佢同愛佢呀！」

嗚嗚，巧滾動，睇到毛毛都眼濕濕呀！我相信聖誕老人一定會收到妹妹你封信㗎！因為，毛毛都寫咗封信畀聖誕老人……

希望在明天！仲有10幾日就到聖誕節，嗱聖誕老人唔使急㗎，最梗要快呀知唔知？55。

封面圖片及資料來源：Dailymail