最近港大民研就做咗個香港市民對紀律部隊滿意程度嘅調查，隨機抽樣咁訪問咗大約1000個市民，睇下佢哋對紀律部隊嘅滿意程度同認知度有幾多～

結果發現市民對9個紀律部隊嘅認知度都超過7成，而對消防處同警務處嘅認知度更加超過9成半?！再睇埋市民對紀律部隊嘅滿意度先，第一位係消防處，第二位就係飛行服務隊.....咦，警隊呢？唔係呀嘛，警隊嘅滿意度竟然係9個紀律部隊入面最低？

冇理由㗎喎，個調查結果會唔會係唔小心搞錯咗呀？毛毛眼中嘅警隊明明係維護法紀嘅大英雄嚟，點會淨係得62.4分㗎，畀足100分毛毛都嫌少啦！

唉，肯肯定係四點鐘許Sir畀人調走咗，啲市民唔可以同心愛嘅許Sir互動，所以先至搞到警隊滿意度包尾啦～

封面圖片來源：香港大學民意網站

資料來源：香港大學民意網站、香港警察 Hong Kong Police