拖咗成年，七警暗角打鑊單案今日終於都開審喇：

不過小鳳姐都未出得場住，因為嗰七個警察全部都唔！認！罪！呀！我＿！

是咁的，話說控方提供咗段喺youtube下載落嚟嘅暗角打人新聞片，想話問返TBB段片係邊個拍啦，點知TBB竟然唔肯講，搞到辨方話質疑段片嘅真確性呀！唔係下化法官大人！我冇嘢好講喇真係。結果仲要拖多幾個月，出年6月1號正式審理，3月就會開始預審。

計毛毛話，段片肯肯定係假啦！上晒電視、見晒樣咁又點啫？唔畀人哋做緊戲㗎？改埋對白都仲得啦人哋！

香港冏察出咗名係正義使者、有香港慈母之稱，一定唔會做呢啲事嘅！不過話時話，聽日就係網絡23條二讀嘅日子……嗯，留名等睇通過咗之後辨方話段youtube片侵權做唔到證物先！而家有得睇就好睇喇：

封面圖片來源：《TVB》截圖

資料來源：RTHK 、蘋果日報（一） 、蘋果日報（二）、Tsz Him Lai