2015年仲有幾個禮拜就完喇，有邊個藝人喺呢一年入面曾經令到你扯嘅呢？嗱我講緊扯火咋下！人稱慈雲山鄭列瓊嘅網民瓊姐最近就做咗個十大最乞網民憎藝人嘅選舉，不如睇下有冇你哋嘅心水？
第一名：
第一名係憑兒夜姨野以夜儀野震驚13億人嘅鄧紫棋，阿漿！總得票9859，真係實至名歸呀，啪啪啪！毛毛隔住個mon都覺得張相好嘈，相信有好多人係為咗保護自己嘅聽覺而投佢一票。
第二名：
第二名係有愛國小先鋒之稱同天生鍾意擦鞋嘅惟萎，有9824票，實在係可喜可賀！不過人哋之前已經喺高登嬴咗過萬個負評，得到負皮王呢個美譽，毛毛相信今次呢個最乞人憎藝人第二名，佢都唔會在乎㗎喇。
第三名：
第三名係王日日日大盜演，得票6689！雨傘運動之後佢開始喺微博發功，周圍撩交嗌，仲曾經公開表示要同黃秋生、杜汶澤同何韻詩呢啲黃絲藝人絕交，一個人杯葛晒佢哋。大盜嘅愛國之心，亦都喺佢嘅票數（689）反映出嚟。
第四名：
第四名係有香港talk show大王之稱嘅李思捷，得票6300！佢喺大台嘅作品好似《今晚睇李》咁技驚四座，仲令到外國節目《大衛牙擦騷》都要專登坐時光機返嚟抄佢個節目，咁有天份梗係令人葡萄啦，所以拎第四名都係合情合理嘅。
第五名：
第五名係周永痕，有5995票。有香港第一貝戈戈男之稱（好似係），成日換畫，梗係多人憎啦！
第六名：
第六名係成功由半面人進化到全面人嘅吳若希，有3756票！憑住神曲愈難愈愛同典解嘅典解嘅典解嘅好打耳好打耳好打耳成功洗晒全香港人嘅腦，唔投你都對唔住自己啦！
第七名：
第七名係成龍大哥，有3635票！經常發表偉大言論，好似係「中國的會爆炸」同「中國人是要管的」都係出自佢把口，充滿智慧，啲人投佢肯肯定係葡萄佢啫！
第八名：
第八名係汪明荃汪阿姐，一個華麗轉身得到3000票！對住汪阿姐毛毛都冇咩好講喇，起機……sor99ly！起歌先啱：「經過那~~~~~些~~~~年~~~~~~~~~~~……」
第九名：
第九名係好眼淺，一到升旗禮就會喊嘅愛國倫溫兆倫，2841票。同樣都係愛國小先鋒，可能因為而家人哋已經北上發展，香港人who fxxing care，所以比起惟萎少咗成７千幾票。
第十名：
最後一名係叻哥陳百祥！2785票！連最乞網民憎嘅藝人都有你份，真係唔夠你叻呀！
不過聽完國家強同一男子唱完喜歡你之後，毛毛覺得應該要強行加返個亞太子區最乞網民憎嘅特別獎畀佢囉：
毛毛投100票，再加多部ipad大你呀！
最後毛毛要特別多謝瓊姐畀我哋轉載佢嘅資料，In 瓊姐 we trust！
封面圖片來源：thatgrapejuice/WT C youtube/Oscar_waiwai IG/小弟王晶微博
圖片(一)來源：WT C youtube （二）來源：Oscar_waiwai IG （三）來源：小弟王晶微博 （四）來源：蘋果日報 （五）來源：周永恆facebook
（六）來源：do_do_cheng IG （七）來源：sina （八）來源：sina （九）來源：《新春走基層》截圖 （十）來源：MDB China/《唐百虎點秋香》截圖
資料來源：【慈雲山鄭列瓊 King Jer】
