早兩日，689同一眾官員齊齊開金口，同家強合唱咗Beyond嘅名曲《喜歡你》。嗚哇！成班男人望住大家唱「喜歡你～那雙眼動人～」，真睇到毛毛毛管都戙埋，好有愛呀！而地位超然嘅689仲放低身份，主動搵家強一齊自拍兼upload埋上自己facebook?～

不過好多網民見到呢張世紀合照之後，都狂插家強，話佢背棄了理想喎！

事後蘋果日報都訪問返家強，佢就話佢愛香港，又話會繼續堅持、冇放棄過音樂呢個理想，仲話佢只係用一個專業歌手態度去出席咁喎......而家佢又喺自己個fb page「黃家強的音樂力量」出咗篇文嚟回應喇，佢話如果唔係Beyond一員，佢應該可以更幸福？！

佢仲話Beyond嘅理想係屬於大家，無論佢點做都唔會做到?......下，說好的堅持呢？

你又話你要「用音樂來造一道諾貝爾和平大餐的信念」嘅？句嘢度得咁精警咁有創意，仲以為......喂喂喂，你哋好喇喎！人哋都話叫你哋用海闊天空嘅胸襟嚟體諒佢，你哋咪體諒下、包容下囉！

封面圖片及資料來源：CY Leung、黃家強的音樂力量、黃家強微博

回帶：【背棄了理想，誰人都可以】你仲記唔記得自己貼過黃絲帶呀家強？