突發消息！立法會法定人數不足流會呀！

今日立法會朝早11點開會，到差唔多晏晝1點嘅時候公民黨嘅陳家洛要求點算法定人數，15分鐘限時之後，懷疑大部份議員都去晒排隊買半價雪糕，搞到唔夠議員開會要流會呀哎唷唷～都好嘅，咪當畀卿姐搞清楚咩係直播打機先開會囉。

律政司長猿國強講完嘢，曾主席就點名叫林健鋒發言啦，點知無啦啦殺出個人民力量陳志全要求點人數，經民聯林健鋒都未開口就畀人閘住，條氣梗係唔順啦，佢就好唔小心好唔小心咁爆咗「冚家」兩個字出嚟呀！喂喂喂，你好似未熄咪喎大佬，你想講咩呀？

毛毛又丁返一男子唱《喜歡你》cover條片，發現林健鋒都有份一齊唱㗎～哦，你係咪想講「冚家......喜歡你」呀？真係sweet嘅啫。

封面圖片、資料來源：蘋果日報